Gusti nggawe lakuku saiki
Dadi abdining bumi pertiwi
Nggawe landhep pikiring para siwining negri
Kudu bisa digugu lan ditiru
Digugu pocapanku
Ditiru tumindaku
Supaya ora nggawe nacad jeneng guru
Nadyan kala-kala abang kuping iki
Merga tumindaking siwi
Daktampa kanthi lilaning ati
Aja nganti sepi ing kawruh
Aja pisan-pisan pikire landhep dengkul
Cancut taliwanda
Adus kringet aku lila
Adol swara lan ngelmu kanggo majuning negara
Cluwak, 6 April 2015
Tidak ada komentar:
Posting Komentar